“LA VOZ DORMIDA”
“La voz dormida”filmaren zuzendaria Benito Zambrano da. Hortaz, pelikula espainola da. Pelikula hau, Gerra Zibilean Frankistek Errepublikanoen aurrean garaipena lortu zutenean kokatuta dago, gerraostean, hain zuzen ere.
Pelikula honen protagonistak, Pepita, Hortensia,” Chaque Negra” eta Felipe dira.
Hortensia errepublikanoa izateagatik atxilotua dago eta heriotza zigorra ezarri diote. Hala ere, hurdun dago, horregatik haurra jaio arte ezingo dute exekutatu.
Pepita, Hortensiaren ahizpa da.Honek ideologia zehatzik ez duen arren, bere ahizpa kartzelara bisitatzera egunero joaten da eta bere ahizpak behar beste fabore egiten dizkio.
Felipe, Hortensiaren mutil laguna da eta “ gorria” izateagatik errefuxiatua dago, bere lagunarekin batera, “Chaque Negra” ezizenez ezagutzen denarekin batera.
“Chaqueta Negra” errepublikano guztien artean bilatuena da.
Pepita, bere ahizpa atxilotua izan zela konturatzean, Madrilera bizitzera joan zen eta Hortensia lagundu nahian familia frankista batean zerbitzari moduan lan egiten zuen.
Familia horretako nagusiaren aita, jeneral frankista bat zen.
Pepita ohi bezala bere ahizpa bisitatzera zihoan eta honek fabore bat eskatu zion, bere senarra aurkitzea eta gutun bat ematea., hain zuzen ere.
Pepita beldurtia bazen ere, bere koinatuaren bila, mendira joatera ausartu egin zen. Bidetik zihoala, frankista batzuekin topatu eta “ viva España” “viva Franco” eta horrelakoak esatera behartu zuten.
Bere koinatua ezkutaturik zegoen tokira iritsi eta hor beste tipo bata azaldu zen, “Chaque Negra” delako ezizenez ezagutzen zutena. Honekin hitz egin eta Felipe ezin zela agertu esan zion, Pepita urduri jartzen hasi zen, zerbait gertatu omen zitzaion pentsatzen.. Errepublikanoak zauri txiki bat baino ez zuela esan zion, eta horregatik bere laguntza behar zuela. Aurretik aipatu bezala, berak lan egiten zuen etxean mediku bat zegoen, eta honi laguntza eskatu eta honek baietza eman zion baina etxe horretan bizi ziren gainontzekoak honetaz ezin zirela ohartu eskatu zion. Hortaz, gauean gelditu eta zauria sendatu zion.
Bestetik, “Caqueta Negra”-ren eta Pepitaren arteko maitasuna sortzen ari zen.
Kartzelako hurrengo bisitaldian, Pepitak eta Felipek, Hortensiarekin elkar ikusi zuten.
Honen senarra noski, oso dotore jantzita, eta ilea moztuta beste bat zirudien. Hortensia asko poztu eta “asko maite zuela” eta horrelakoak esan zizkion.
Pepita kartzelara berriz bisitan joan zenean, jadanik izeba zen. Ilusio handiko momentu bazen ere, horrek, Hortensia exekutatzeko momentua iristen ari zela suposatzen zuen.
Horregatik, Hortensiak beste fabore bat eskatu zion, bere senarrarengana joatea eta Frantziara alde egitea eskatzea, horrela alabak, gurasoetako bat bizirik izango lukeelako.
Pepita kartzelatik atera bezain pronto, bi tipo kotxe batean sarrarazi zuten.Horiek frankistak ziren. Horiek gela ilun batean sartu eta galdeketa egin zioten, bai Feliperen baita Chaque Negraren inguruan ere. Emakume hau torturatua izaten ari bazen ere ez zuen deus esan. Nahiago zuen hil besteak atxilotzea baino.
Torturatzeari utzi ziotenean, ohe bakar bat eta ezer gutxi zuen gela batera eraman zuten. Pepita biluzik, ubelduraz beterik, negarrez eta dardaraka zegoen.
Orduan lehenago aipaturiko jeneral frankista agertu eta hortik atera zuen. Dena den, bere semeari buruz ea zerbait esan zuen galdetu zion eta baita bere semearen etxera zerbitzari moduan gehiago ager ez zedin agindu zion ere.
Bitartean “Chaque Negra” eta Felipe gela batean zituzten. Halako batean, Frankistek Felipe hartu eta buruz bera zintzilikatu zuten. Hori gutxi ez balitz, torturatzen zuten bitartean ea “Caqueta Negra” zen galdetzen zioten. Honek ez zuen erantzuten. Hau gertatzen ari zen bitartean ezizenez ezagutzen zuten mutilak zirrikitu batetik dena ikusten ari zen. Halako batean Felipe lurrera erori eta mugitzen ez zela konturatu ziren, hortaz hilda zegoena ondorioztatu zuten.
Pepitak kartzelan izan zuen azken bisitaldian, bere ahizpari gezurra esan zion. Bere senarrarekin hitz egin zuela eta jadanik Frantzian zegoela esan zion. Pepitaren helburua ez zen gezurtzea, baizik eta bere azken orduak pozik pasa zitzala.
Egun horren gauean bertan, Pepitak ahal zuen guztia egin bazuen ere, bere ahizpa exekutatu zuten. Hortaz jaio berria zen umea gurasorik gabe gelditu zen.
Hala ere, bere izeba umeaz arduratu zen eta bere alaba izango balitz bezala zaintzen eta maitatzen zuen.
Gainera Pepitak “Chaqueta Negra”-ekin gutunak idazten zituen eta emakume honek, kartzelatik atera arte, 15urte pasa arte, itxarongo zuela zin egin zion. Eta horrela izan zen. Eta hiruak zoriontsu bizi izan ziren.